Solar lagana step by step
Pehli baar solar lagwa rahe ho? Koi baat nahi. Yahan har step clearly samjhaya gaya hai. Application se lekar net meter tak sab kuch.
Portal pe register karein
pmsuryaghar.gov.in pe jaao. Mobile number se OTP verify. Consumer number daalo. Documents ready rakhein.
Feasibility approval
DISCOM aapke connection aur area ki feasibility check karega. Approval aane ka wait karo.
3 quotes lo aur compare karo
Sirf DISCOM-empanelled installers se quotes lo. Kam se kam 3 quotes lo. Panel aur inverter brand clearly likh ke maango.
Installation karwao
Installation 1-3 din mein ho jaati hai. Commission ke time pe present raho aur output test karwao.
Net meter aur subsidy
Portal pe net meter ke liye apply karo. DISCOM meter lagayega. Uske 30 din baad subsidy bank mein aayegi.
Documents ki list ready rakhein
PM Surya Ghar ke liye apply kaise karein
Portal walkthrough. Documents list. Common errors jo application reject karwate hain.
Application status kaise check karein
Har status ka kya matlab hai. Stuck ho toh kya karein. Escalation contacts.
Net metering ke liye apply kaise karein
State-wise process. Documents list. DISCOM delay mein kya karein.
Sahi installer kaise chunein
10 zaroori sawaal sign karne se pehle. Red flags. Credentials verify karna.
Apartment mein solar kaise lagwayein
Individual flat ya society project. RWA process. DISCOM rules.
Solar panel maintenance guide
Cleaning frequency. AMC cost. 25 saal performance kaise maintain karein.
Solar lagwane mein total kitna time lagta hai?+
Application se lekar net meter installation tak typically 60-90 din lagte hain. Sabse time lene wala hissa net meter installation hai jo 15-60 din le sakta hai depending on your DISCOM. Bengaluru mein yeh fastest hota hai, UP mein sabse slow.
DISCOM ne net meter install karne mein 3 mahine se zyada le liye. Kya karein?+
Pehle DISCOM ke consumer helpline pe call karo aur complaint number lo. Agar koi response nahi mila toh DISCOM ke Grievance Redressal Portal pe online complaint file karo. Electricity Regulatory Commission ke portal pe bhi complaint kar sakte ho. Most cases mein complaint file karne ke baad 2-4 hafte mein kaam hota hai.
Kya solar lagwane ke liye koi permission chahiye hoti hai?+
Individual ghar ke liye sirf DISCOM se feasibility approval chahiye hoti hai jo PM Surya Ghar process mein automatically aata hai. Municipality permission ya building plan approval ki zaroorat nahi hoti residential installations ke liye. Apartment mein ho toh housing society ka written NOC zaroori hai.
Installer ne subsidy khud handle karne ka offer diya. Karna chahiye?+
Nahi. Subsidy directly aapke bank account mein aati hai. Koi bhi installer subsidy handle nahi kar sakta. Agar koi installer keh raha hai ki woh subsidy “adjust” kar lega ya pehle kum rate mein system dega aur subsidy baad mein lega, yeh fraud ho sakta hai. Hamesha khud portal pe apply karo.
Kitne saal mein system replace karna padega?+
Panels 25-30 saal chalte hain par efficiency dheere dheere kam hoti hai. Inverter 10-12 saal mein replace karna pad sakta hai, cost Rs 15,000-30,000. Mounting structure aur wiring 20-25 saal tak theek rehti hai. Isliye 25 saal ka total saving calculate karte waqt inverter replacement cost bhi account mein rakho.
Pehle subsidy calculate karo
Kitna milega jaane bina process shuru mat karo.